Nimezama

Uwepo wake hupendeza machoni

Mguso wake husisimua moyoni

Tabasamu kama maua hujaa usoni

Upweke unitoa na roho kunisuuza

      Nimezama kwako ewe kasuku

Uzuri wa macho yake hakuna mfano

Nyororo sauti yake ni wimbo moyoni

Uimbwa kwa maringo na madaha kitandani

Msisimuko akilini kwa papaso kifuani

     Nimezama kwako ewe kasuku

Yake ngozi laini hunikosha moyoni

Mabusu kedekede yote kwangu mwilini

Roho yangu iteke nibebe nisi pweke

Usijenipiga mateke na kuniacha mpweke

     Nimezama kwa ewe kasuku

Nimezama kwako malkia ni kwako hiyo pete

Mola atujalie milele tupendane

Milele uwe wangu milele niwe wako

Tushikane tugandane mithili ya kupe

Nakuomba tulia, mimi ni wako peke.

      Nimezama kwako ewe kasuku

Author: Onesmo Ndile

Language: Kiswahili

Year: 2016